صبايا
مدير منتدي رايح يخطب 613623

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
[b][color=green]شكرا[
صبايا
مدير منتدي رايح يخطب 613623

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
[b][color=green]شكرا[
صبايا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
صبايا

.
 
البوابةالرئيسيةأحدث الصوردخولالتسجيل

أعزائنا رواد منتديات صبايا يسعدنا ان نقدم اليكم التول بار الخاص بمنتدانا العزيز وذلك بالضغط هنا


 

 مدير منتدي رايح يخطب

اذهب الى الأسفل 
3 مشترك
كاتب الموضوعرسالة
مسلمه وأفتخر
.
.
مسلمه وأفتخر


تاريخ التسجيل : 02/03/2009

عدد المساهمات : 681
العمر : 35
العمل/الترفيه : طالبه في طب اسنان
المزاج : تمام جدااااااا الحمد لله
جنسيتك : مصرى
اعلام الدول : مدير منتدي رايح يخطب Female31
  : مدير منتدي رايح يخطب FP_05
انثى

مدير منتدي رايح يخطب Empty
مُساهمةموضوع: مدير منتدي رايح يخطب   مدير منتدي رايح يخطب Emptyالجمعة مارس 06, 2009 2:17 pm

كان الموديريتور (المراقب العام) مرتبط بموعد مع العروس وأهلها ليتقدم إليها

ولكنه لم يشأ إغلاق المنتدى لمدة ساعة هى مدة اللقاء مع الأهل فأخذ اللابتوب(الكمبيوتر المحمول) معه وشحنه على آxxxxxxxxx وتابع الردود على الأعضاء فى صفحة الشكاوى وهو فى طريقة للمنزل راكبا التاكـسى . طبعاً كان بيستخدم خدمه اتصالات الجديده Smile


بمجرد وصوله إلى العروس سأل عن أقرب فيشة كهرباء لأن الشحن اوشكـ على الإنتهاء

والد العروس : أهلا يابنى إزيك !!

المراقب (وهو مشغول بلوحة مفاتيح اللابتوب) : أهلا بيك يا عمى أنا يشرفنى إنى أطلب إيد بنتك مها وافق ولا لأ؟!!!!

تبادل كلا من والد العروس ووالدتها وأخيها نظرات الدهشة

والد العروس ( مستغربا ) : حضرتك بتكلمنى ولا بتكلم حد على الإنترنت

المراقب (مازال منشغلا بلوحة المفاتيح) : لا يا عمى أنا بكلمك إنت هو معقولة أتكلم مع حد غيرك وأنا قدام حضرتك!!!

والدة العروس : طب يابنى طالما بتكلمنا بصلنا طيب

المراقب (لم يرفع عينه ويديه من على جهازه) : ليه يا حاجة هو أنا هتكلم بعينى ولا ببقى؟!!!!

إقترب الولد الصغير(8 سنوات) من العريس مبهورا بالابتوب ( الجهاز المحمول) وهو يقول

الصبى : عمو هو الجهاز دة فيه ألعاب كتير زى الأتارى الى عندى؟!!

العريس (مازال منشغلا بجهازه) : أيوة يا حبيبى وأحلى من الى عندك كمان

الصبى : طيب ممكن ألعب شوية عشان خاطرى يا عمو

هنا فقط رفع العريس عينه من على جهازه لأول مرة وتوقف عن الكتابة وهو يوشوش فى أذن الصبى


العريس : لو خليت أبوك يوافق عليا هلعبك كتير قوي

طار الصبى فرحا وهو يقول
بابا بابا أنا موافق إن عمو يتجوز أختى الكبيرة أبلة مها!!!!!!

ثم إلتفت إلى العريس وهو يقول
ألف مبروك يا عمو!

الوالد ( صارخا ) : أمشى ياد خش ذاكر مبقاش إلا إنت يا أبو ريالة الى هتوافق ومتوافقشى

مشى الولد باكيا ولم يهتم به العريس وقد عاد إلى جهازه منشغلا

الوالد : إنت يا حبيبى إنت كمان إنت إيه حكايتك ؟

العريس : حكاية إيه يا عمى أنا معنديش حكايات إنت عندك؟!!!

الوالد (بضجر) : إنت جاى تهزر

لم يعره العريس أى إهتمام وقد ظهر مشغولا بموضوع ما على جهازه فإقتربت الأم من الوالد وتكلمت هامستا

الأم : إلا قولى يا حاج هو الجدع دة بيعمل إيه على البتاع الى معاه دة وإزاى بيكلمنا وهو بيحرك إديه الإثنين على الزراير دى كلها؟

الوالد : والله معرفشى يا تفيدة يظهر والله أعلم إنه بيكتب الكلام الى بيقوله لنا فيطلع من بقه!!!!!!!

الأم : يا ندامتى !!! معقولة دى يا حاج ؟!!

الأب : طبعا يا تفيدة معقولة ماهو إحنا فى عصر التكنولوبيا!!! إنتى مش شفتى إزاى كان ملهوف على أى فيشة كهربا أول ما جيه لأن الشحن بتاع الكلام بتاعه كان هيخلص!

الأم : يا خويا الى يعيش ياما يشوف!!!

على كدة يا حاج لو النور قطع هيبقى أخرس؟!!!!

الأب : ربنا يستر وتيجى على قد الكلام مين عالم إيه الى بيشتغل عنده بالكهربا تانى !!!!!

الأم : طب يا خويا لازم لو وافقت عليه نشترى للبت كرتونة حجارة قلم عشان تبقى عاملة حسابها فى أى وقت!!!

الأب (صارخا) : هو أنا معقولة أوافق على الآلة دى ليه من قلة الرجالة يعنى

العريس : حضرتك بتكلمنى يا عمى

الأب : لأ يا حبيبى أنا بكلم تفيدة

العريس : تفيدة مين ؟

دخلت العروسة فى هذه اللحظة مكـسوفة وهى تنظر إلى الأرض وبيدها أكواب العصير ولكنها لم تلاحظ فيشة الكهرباء فإنقلبت على وجهها أرضا وإنفصلت الفيشة

العريس ( صارخا ) : إيه الى هببتيه دة إنتى إزاى تفصلى الجهاز!!

الأم ( بصوت خافت ) : يا حلاوة أهو بيتكلم من غير كهربا أهو يا حاج

الأب ( بصوت خافت ) : ماهو كان شحن على الآخر يا تفيدة افهمى بقى

ثم إلتفت إلى العريس قائلا

الوالد : إيه يابنى قلة الذوق دى إنت بتصرخ فى عروستك وإنت جاى تتقدملها ؟!! دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها

العريس : يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!

الأب: دة جيل إيه دةهو جاى لينا منين دة!

العروسة : من النت يا بابا من النت

الأم : الله يقطع النت والى شغالين فى النت ! يا رب تيجى عاصفة تسومانى على النت والى فيه!!!!!

الأب : ممكن بقى يابنى تقفل المخروب دة وتكلمنا شوية

العريس : خلاص يا عمى المساعد بتاعى جه بدالى دلوقتى

إلتفت الجميع حولهم يبحثون عن ذلك المساعد فضحك الموديريتور

العريس ( ضاحكا ) : لأ يا جماعة أنا اقصد إن المساعد بتاعى أخذ مكانى فى الشغل دلوقتي يعنى أنا دلوقتى جاهز لأى إستفسار لمدة ربع ساعة

الأب: لا حول ولا قوة إلا بالله طيب يابنى طالما مش فاضى ليه حددت المعاد دةمش كنت تحدد معاد تكون فاضى فيه

العريس : يا عمى خير البر عاجله

الأب : طيب إحنا لسة متعرفناش بإسمك ولا شغلتك ولا سنك ولا شهادتك ولا أى حاجة خالص!

العريس : أنا اسمى سوبر موديريتور دة الإسم المستعار!

قامت الأم تحوم حول العريس وتنظر إلى يديه تبحث عن شىء ما ثم مسكت يده فجأة وهى تقول

الأم :ممكن تشمر إيدك يا عريس الهنا‍

العريس (وهو يشمر ): ليه ياحاجة إنتى هطعمينى!!! أنا إطعمت قبل ما آجى عندكوا

الأب: ليه قالولك إننا عندنا كوليرا !!!

العريس : لأ يا عمى أصل أنا قاعد ليل نهار فى غرفتى المكيفة الصحية فلما بروح أى داهية تانية لازم أطعّم


الأب ( بصوت منخفض ) : داهية لما تخدك يا شيخ!!!


صرخت الأم : يابنى فهمنى إيه ( سوبر زفت ) دى ... هى دى نوع ريحة ؟؟!!

ضحكت العروسة وهى تقول: لا يا ماما دة النـك نيم بتاعه

الأم : ال إيه يا ضنايا؟‍!

العروسه : الاسم المستعار يعنى يا ماما .

العريس : خلاص يا جماعة أنا إسمى سعيد وعندى 25 سنة يعنى تأبيدة‍!!!

معايا شهادات كتيرة لو قلتها لكم كلها يبقى هنقعد يومين فبلاش أحسن
وشغلتى مشرف عام على منتدى الفقر حشمة

نظر الأب إلى المراقب العام وملابسه البسيطة غير المتناسقة وهو يقول

سيماهم على وجوههم !!!

العروسة ( مبتسمة ) : بجد إنت المراقب بتاع الفقر حشمة دة أنا مشتركة فيه من 5 شهور

العريس : ما شاء الله بس إنتى مش ملتزمة بقوانين المنتدى ولابسة كويس وعايشة فى عيشة آخر أبهة !!

العروسة : أنا عملت كدة عشان عارفة إن فيه عريس جاى يخطبنى

الأب: إنت يابنى عاوزها تلبس إيه هدوم مقطعة ؟؟!!

العريس : لا يا عمى خلاص مش مهم لما أبقى أتجوزها أبقى أقطع لها هدومها‍!

الأب : ومين قالك إنى وافقت عليك أصلا

العروسة : ومتوافقشى ليه يا بابا دة حتى الموديريتور أكيد هيخلينى مميزة فى المنتدى ... مش كدة برضه يا موديريتور ؟؟

العريس : طبعا وهعينك معانا من المشرفين على قسم لوحدك

العروسة ( بسعادة ) : بجد هتعينى مشرفة على قسم لوحدى

العريس : طبعا وهديكى أسهل وأحسن قسم فى المنتدى

العروسة ( فرحانة ) : هييييه هتدينى قسم إيه ؟

العريس: الشكاوى!!!

العروسة ( صارخة ) : لا أرجوك كله إلا الشكاوى

هز العريس كتفيه وهو يقول

العريس : خلاص نفتح قسم للوفيات وأعينك مشرفة عليه

الأب: يا ترى خلصتوا ولا لسة ؟؟

نظر العريس فى ساعته وهو يقول: أنا فعلا وقتى قرب ينتهى لأن المساعد بتاعى عنده ميعاد مهم ولازم أدخل مكانه

الأب: أنا مش موافق على الجوازة دى

العروسة : ليه يا بابا دة أنا

قاطعها الأب صارخا : اخرصى يا بت إنتى وروحى ذاكرى لأخوكى

خرجت العروسة باكية غاضبة بينما إلتفت الأب إلى العريس قائلا

شوف يابنى لما تبقى تفضى للجواز إبقى تعالى إتجوز بنتى لكن طول ما إنت فى الفقر حشمة دة مالكشى عرايس عندى
فاهمنى

العريس : خلاص يا عمى براحتك بس إذا كان منتدى الفقر حشمة هو الى مزعلك أنا ممكن أسيبه

الأب ( فرحا ) : بجد يابنى طيب سيبه هو فعلا الى مزعلنى لو سيبته أنا هسيبلك بنتى بدون أى كلام ... !!

شكره العريس ثم جاء إليه فى اليوم التالى ومعه نفس اللابتوب وهو يقول

أنا سيبت الفقر حشمة من إمبارح وإشتركت فى منتدى تانى اسمه اللاجئين ....

سقط الأب على الأرض ميتا وصرخت الأم وبكت العروسة وأخيها الصغير

بينما جلس العريس فى غرفة الصالون يتابع منتداه الجديد !!



=====================

طبعاً كلنا شايفين قد إيه حالته صعبة

وده أخرة النت وسنينه السوده !!!


ربـنـــا يـســترهــا .
الرجوع الى أعلى الصفحة اذهب الى الأسفل
Mohammed Ali
مشرف منتدى التنمية البشرية



تاريخ التسجيل : 02/03/2009

عدد المساهمات : 135
العمر : 35
  : مدير منتدي رايح يخطب FP_05
ذكر

مدير منتدي رايح يخطب Empty
مُساهمةموضوع: رد: مدير منتدي رايح يخطب   مدير منتدي رايح يخطب Emptyالإثنين مارس 09, 2009 9:06 pm


ههههههههههههههههههههههه
ينهار ابيض على العريس ده
بس مش معقوله توصل للدرجه دى
جميل جدا يا مروه ضحكتينى جدا والله
ميرسى كتير على التوبيك الرائع
الرجوع الى أعلى الصفحة اذهب الى الأسفل
mogh
3
3
mogh


تاريخ التسجيل : 15/03/2009

عدد المساهمات : 365
العمر : 35
العمل/الترفيه : Fashadab
المزاج : 3aneeeeeeeeeeeeeed
جنسيتك : مصرى
اعلام الدول : مدير منتدي رايح يخطب Female31
  : مدير منتدي رايح يخطب FP_05
ذكر

مدير منتدي رايح يخطب Empty
مُساهمةموضوع: رد: مدير منتدي رايح يخطب   مدير منتدي رايح يخطب Emptyالثلاثاء مارس 17, 2009 7:17 pm

هههههههههههههههه


دا عريس تحفه
الرجوع الى أعلى الصفحة اذهب الى الأسفل
http://egyarts.all-up.com
 
مدير منتدي رايح يخطب
الرجوع الى أعلى الصفحة 
صفحة 1 من اصل 1
 مواضيع مماثلة
-
» قوانين منتدي يوميات الأعضاء
» قوانين منتدي براعم صبايا

صلاحيات هذا المنتدى:لاتستطيع الرد على المواضيع في هذا المنتدى
صبايا  :: منتدى الالعاب والتسليه :: مع صبايا اضحك قبل الضحك ما يخلص-
انتقل الى: